21.03.2014.

Битолските пливачи со „вреќа„ медали од државното првенство

НОВА ЖЕТВА НА МЕДАЛИ НА ПЛИВАЧИТЕ ОД БИТОЛА
Деновиве во спортскиот центар ,,Борис Трајковки“ во Скопје се одржа зимското државно Првенство на Македонија во 25 метарски базен.
И на ова првенство, пливачите на Олимпик од Битола постигнаа голем успех и освоија десет медали и анализата од турнирот вели дека напредокот на битолската пливачка школа е се поголем и поголем. Мартин Тодоровскиза првпат настапи во конкуренцијата кадети (16 год), што значи дека пливаше во конкуренција со постари пливачи, но сепак освои седум бронзени медали во дисциплините 50м слободно, 100м слободно, 400м слободно, 800м. слободно, 1500м слободно, 400м мешано и во дисциплината 400м слободно во конкуренција младинци (18год). Повредни од медалите се времињата кои ги исплива младиот битолски гимназијалец и тоа посебно во дисциплините 100м слободно - 58.28, 50м слободно - 26.57 и 800м слободно - 9.42.10, што се историски постигнувања за битолското пливање. Младиот Гоце Марковски освои три бронзени медали во конкуренција помлади пионери (12год.) во дисциплините 50м делфин, 100м делфин и 100м мешано. Марковски пливаше одлично, покажа голем напредок во сите дисциплини и има голема шанса наредната година да биде меѓу најдобрите во својата конкуренција. Славчо Мицковски за првпат учествуваше на официјален натпревар. Пливаше храбро и постигна добри резултати. Тренерот на Олимпик, Кире Марков, очекува од него голем напредок на наредните натпревари. Славчо Мицковски за првпат учествуваше на официјален натпревар. Пливаше храбро и постигна добри резултати. Тренерот на Олимпик, Кире Марков, очекува од него голем напредок на наредните натпревари.

Нема коментара:

Постави коментар