четвртак, 31. јул 2014.

Охридски судија за „вечното дерби„


ФФМ ГИ ДЕЛЕГИРАШЕ СУДИИТЕ ЗА ПРВОТО „ВЕЧНО ДЕРБИ„ ВО СЕЗОНАТА
ФФМ делегираше охридски судии за првото „вечно дерби„ на македонскот фудбал. Искусни делители на правдата ќе бидат на центарот в недела од 17:30 часот на стадионот под Тумбе кафе.

Главен судија - Марјан Ецкоски (Охрид)
Прв помошник- Жарко Тодоровски (Охрид)
Втор помошник- Илчо Јордановски (Прилеп)
Контролор - Илир Сеља (Струга)

среда, 30. јул 2014.

Мак баскеташите преку Рига „бркаат„ европско првенство

ДВАЈЦА БИТОЛЧАНИ МЕЃУ ИЗБРАНИТЕ НА МАРИО ТРИФУНОВСКИ ЗА БАСКЕТ СЕЛЕКЦИЈАТА ТРИ НА ТРИ НА КВАЛИФИКАЦИИТЕ ЗА ЕУРО
Првата репрезентација на Македонија во баскет три на три денес патува за Рига, каде овој викенд ќе се одржат квалификациите за пласман на континенталниот собир. Македонија ќе ја претставуваат Ѓорѓи Анакиевски, Ѓорѓи Талевски, Петар Бојовски и Иван Јованов, а селектор е битолчанецот Марио Трифуновски. Македонија е во групата со Србија, Естонија, Грција, Република Ирска, Летонија. Најдобрите две од секоја група се пласираат на завршниот турнир. 

Новески капитен на Мајнц и кај новиот тренер

БИТОЛЧАНЕЦОТ ОСТАНУВА СО КАПИТЕНСКАТА ТРАКА И ВО НОВАТА БУНДЕСЛИГАШКА СЕЗОНА
Поранешниот македонски репрезентативец Николче Новески и во новата сезона во Бундеслигата ќе го предводи Мајнц како капитен. Новиот тренер Каспер Хјулманд повторно му ја довери оваа одговорна улога на нашиот дефанзивец исто како и неговиот претходник Томас Тушел. Тој веќе десет години го носи дресот на Мајнц и секако е еден од највлијателните фудбалери во тимот. „Што можам да кажам? Секако дека сум почестен што останувам капитен. Се надевам дека ова успешно време кое го поминавме заедно како  тим ќе продолжи и во новата сезона“, изјави Новески во интервјуто за „Вајсбаденер тагблат“ И покрај тоа што веќе е ветеран и има 35 години, Новески не најавува пензија, туку размислува од сезона за сезона. „Размислува година за година. Ќе видиме како ќе оди понатаму. Не можам да предвидам ништо сега“, додава битолчанецот, кој по завршувањето на мундијалскиот квалификациски циклус минатата есен се повлече од националниот дрес.

Тренерска смена во Младост Царев двор

НЕОЧЕКУВАНО ЗАМИНУВАЊЕ НА ТРЕНЕРОТ КОЈ ГО ВНЕСЕ МЛАДОСТ ЦАРЕВ ДВОР ВО ВТОРАТА ЛИГА
Еден од најзаслужните за историската прва промоција на второлигашот Младост Царев двор, младиот битолски тренер Кире Стерјов поднесе неотповиклива оставка од местото шеф на стручниот штаб. Стерјов обелодени дека се повлекува од приватни причини, но ќе остане да работи како координатор на фудбалската школа на Младост Царев двор. Деновиве клубот ќе го назначи неговиот наследник. Стерјов со неговите пулени направи голем подвиг со промоцијата во Втората лига, елиминирајќи ги Зајас и Победа во плеј-офот. Младост во последниот тест во Охрид загуби од албанската екипа Тирана со 2:1. 

Комплетиран стручниот штаб на Секуловски

ВО ПЕЛИСТЕР СЕ СЛОЖУВААТ „КОЦКИТЕ„ ПРЕД НАТПРЕВАРОТ НА ПОЛУСЕЗОНАТА
Пелистер делумно го измени стручниот штаб за разлика од тој кој го водеше тимот минатата сезона. На Марјан Секуловски ќе му помага Димитар Капинковски, кој претходно работеше во младинските категории на клубот, а во стручниот шатб остануваат и Спасе Ристевски и Сашо Петровски како тренер на голмани.

Од „Молика„ Пелистер го подготвува „вечното дерби„


Според последните информации фудбалерите на Пелистер од недела наутро па се до почетокот на мечот со најлутиот ривал ќе бидат во хотелот „Молика„ на Пелистер и во мир и убава клима ќе го подготвуваат првиот официјален натпревар во сезоната. Некаде пред 16 часот ќе пристигнат на стадионот под Тумбе кафе, пред самиот почеток на средбата.

Златко Мојсоски се враќа во Пелистер?

-->
НА ПОВИДОК РЕПРЕЗЕНТАТИВНО ЗАСИЛУВАЊЕ ЗА БИТОЛСКИ ПЕЛИСТЕР
Репрезентативното десно крило Златко Мојсоски по неколку сезони минати во Металург ќе бара нова средина, откако не доби продолжување на договорот со актуелниот македонски првак. Сега нова дестинација на Мојсоски би требало да биде Зомимак М или Пелистер. Двете екипи би биле добро место за одржување на формата, зашто со играњето Мојсоски пак ќе биде во фокусот на вниманието на селекторот Ивица Обрван за претстојното СП во Катар. Мојсоски потекнува од струшката ракометна школа, и покрај за Струга, има настапувано и за Пелистер, Вардар и Металург.

ФФМ потврди: „Вечното дерби ќе се игра под Тумбе кафе„

И ПОКРАЈ СТРАВУВАЊАТА МЕЧОТ ПЕЛИСТЕР - ВАРДАР ЌЕ СЕ ИГРА ВО „ДОМОТ„ НА ПЕЛИСТЕРЦИ
Вечното фудбалско дерби меѓу Пелистер и Вардар кое треба да е шлагот на воведното коло од новата сезона во Првата лига ќе се игра во Битола, в недела од 17:30 часот и покрај тоа што од лиценцната комисија на ФФМ пред неполн месец беше оценето дека „Тумбе кафе“ не може да биде домаќин на прволигашки натпревари. Ова за порталот „Спортмедиа„ го потврди претдседателот на натпреварувачката комисија, Васко Дојчиновски, кој сѐ уште чека дефинитивна одлука околу теренот на одигрување на мечот, но речиси сигурно е дека тоа ќе биде домашниот стадион на битолчани. „Денеска до 13 часот треба дефинитивно да биде потврден стадионот на кој ќе се игра мечот, но најверојатно тоа ќе биде „Тумбе кафе“. Во Битола се извршени поправки на стадионот откако беше оценето дека не ги задоволува стандардите за средби од Првата лига, а реновирањето ќе продолжи и понатаму„ објасни Дојчиновски.