31.07.2013.

Пелистер организационо подготвен за новата сезона

ПРВА ПРЕС-КОНФЕРЕНЦИЈА НА БИТОЛСКИОТ ПРВОЛИГАШ ПРЕД НЕДЕЛНИОТ СТАРТ НА МАКЕДОНСКОТО ПРВЕНСТВО


Во пресрет на домашното деби во новиот шампионат, управата на ФК Пелистер вчера одржа прес-конференција на која беше обелоденет организациониот план за новата натпреварувачка сезона и беше претставена новата официјална веб страна на клубот.

30.07.2013.

Пелистер потпиша со Риад Демиќ

СО ЗАСИЛУВАЊЕ ОД БиХ, БИТОЛСКИ ПЕЛИСТЕР ГО ЗАТВОРИ ПРЕОДНИОТ РОК И Е СПРЕМЕН ЗА ПРВЕНСТВЕНИТЕ ПРЕДИЗВИЦИ
На неколку дена до почетокот на новиот фудбалски шампионат на Македонија, битолски Пелистер доведе уште едно засилување во својот ростер. Се работи за 24 годишниот Риад Демиќ кој доаѓа од БиХ, но во последната сезона настапуваше во Иран за екипата Алуминуим Хормозган.

29.07.2013.

Ветарaните на Пелистер не стареат

ПО ПОВОД РОДЕНДЕНОТ НА КАРАОРМАН, ЛЕГЕНДИТЕ НА ПЕЛИСТЕР ОДИГРАА РЕВИЈАЛЕН НАТПРЕВАР
Ветераните на Пелистер го збогатија 90 роденден на ФК Караорман во Струга и одиграа ревијален меч со славеникот. Зелено-белите славеа со 4:2, како и во најдобрите денови на овие фудбалски асови. Караорман најголем успех забележа во сезоната 1957/1958, кога по победа над Брегалница на пенали 7:6 ја освои шампионската титула на Македонија.

Пелистер најавува насмевки на лицата на своите навивачи

ПО ИГРАТА СО ПОБЕДА И МАКЕДОНИЈА Ѓ.П. НОВИОТ ПЕЛИСТЕР ДОБРО ИЗГЛЕДА ПРЕД ПРВЕНСТВЕНОТО ДЕБИ СО ЕУРОМИЛК
Во Битола владее нов бран на еуфорија по формирањето на екипата за новата натпреварувачка сезона и последните партии со Победа и Македонија Ѓ.П. дополнително ја „загреаа„ атмосферата. Вториот дел со прилепскиот второлигаш и првото полувреме со „лавовите„ беа посебно позитивни и тренерот Бочевски со целиот ростер го очекува првото коло и дебито под Тумбе кафе со новиот прволигаш Еуромилк.

28.07.2013.

Најдобриот Пелистер ова лето, баш пред почетокот на сезоната

 ВО ПРВОЛИГАШКИ КОНТРОЛЕН НАТПРЕВАР, БИТОЛСКИ ПЕЛИСТЕР ПОКАЖА МНОГУ ПОВЕЌЕ ОД НОВАЈЛИЈАТА МАКЕДОНИЈА Ѓ.П.
Пријателски меч
Пелистер - Македонија Ѓ.П. 3:1 (3:1)

Градски стадион „Тумбе кафе„ - Битола. Гледачи: 500
Стрелци: Алтипармаковски во 5, Миленковски во 25 и Жуниор во 39 минута за Пелистер, а Јанчевски од пенал во 43 минута за Македонија Ѓ.П.
Црвен картон: Китановски (Пелистер) во 76 минута

25.07.2013.

Битолчани задоволни, младиот „бран„ ги донесе головите

СО ЧЕТИРИ ГОЛА ВО ВТОРИОТ ДЕЛ, ПЕЛИСТЕР НА УБЕДЛИВ НАЧИН СЕ ПРЕДСТАВИ ПРЕД БИТОЛСКАТА ПУБЛИКА
Пелистер - Победа 4:0 (0:0)

Градски  стадион „Тумбе кафе„ - Битола. Гледачи: 600
Стрелци: Ѓорѓиев, Дуков, Љамчевски (2)

Богдановски - седми пат државен првак

НОВ ПОДВИГ НА НАЈДОБРИОТ МАКЕДОНСКИ ШАХИСТ ВО ИСТОРИЈАТА НА ДОМАШНИТЕ ПРВЕНСТВА
Битолскиот велемајстор Влатко Богдановски е нов првак на Македонија за 2013 година. Со победата во последното коло против Роберт Велески тој се одвои од конкурентите, освојувајќи 7 поени од 9 партии. Звонко Станојоски и Драгољуб Јаќимовиќ кои исто така победија во последното коло ги зазедоа второто и третото место со 6.5 поени.

Секој натпревар под Тумбе кафе ќе биде спектакл

ДЕНОВИВЕ НА МНОГУ НОВИНИ ВО ФУДБАЛСКА БИТОЛА. И НА ТЕРЕНОТ И НАДВОР ОД НЕГО ПЕЛИСТЕР ПОДГОТВУВА ИЗНЕНАДУВАЊА
 
Деновиве во Битола се кова маркетинг стратегијата за новата натпреварувачка сезона. Се додека единствениот акционер на стадионот под Тумбе кафе - Општина Битола не повлече конкретен потег околу реновирање на целиот објект или само на помалата трибина, спортската структура не може многу да вложува во подобрување на условите.

22.07.2013.

Добра презентација на битолските мото-крос возачи

НА ИСТОЧНО-ЕВРОПСКИОТ МОТО-ШАМПИОНАТ ВО СРБИЈА, БОРЧЕ КОСТОВ ШЕСТОПЛАСИРАН
Македонската мото репрезентација учествуваше на Источно-европскиот шампионат во мото-крос, а најголем броj учесници беа од Битола. Најдобар пласман имаше Борче Костов од ЛТД на шестото место, а Гоце Томовски беше деветтопласиран, Лука Ристевски на деветтото место, Адријан Ристевски исто така на деветтото место, а Христијан Станковиќ на десеттото место.

Тодоровски ги собра сите медали

НА ДРЖАВНОТО ПРВЕНСТВО ВО ПЛИВАЊЕ МАРТИН ТОДОРОВСКИ СЕ ВРАТИ СО ДЕСЕТ МЕДАЛИ
На отворениот олимписки базен “Аеродром“ во Скопје, се одржа државното првенство на Македонија во пливање. Олимпик од Битола настапи со три пливачи и ја продолжи тригодишната низа од успеси. Пливачот на Олимпик Мартин Тодоровски освои дури 10 медали.

21.07.2013.

Финишот кобен за пелистерци

СО ДВА ГОЛА ВО ПОСЛЕДНИТЕ НЕКОЛКУ МИНУТИ, ПЕЛИСТЕР ПОРАЗЕН ОД РЕНОВА ВО КОНТРОЛЕН МЕЧ ВО ОХРИД
Пријателски меч
Пелистер - Ренова 0:2 (0:0)

Стадион: „Биљанини извори„ - Охрид. Гледачи: 100
Главен судија: Tоде Блажевски
Асистенти: Златко Стојановски и Влатко Дренковски (сите од Битола)
Стрелци: во Емини 82 и Максути 87 минута за Ренова
Жолт картон: Китановски (Пелистер)
Црвен картон: Китановски (Пелистер)

РK Пелистер се засили со французинот Риве

ПРВО НОВО ИМЕ ВО РК ПЕЛИСТЕР ВО ЛЕТНИОТ ПРЕОДЕН РОК
 
Ракометниот тим на Пелистер го ангажираше во своите редови французинот, Даниел Риве. Се работи за ракометар кој има прволигашко искуство во француската лига и игра на позицијата среден бек, со што воедно Филип Чурлевски ќе добие конкуренција на тоа место.

19.07.2013.

Вака изгледаат новите дресови на Пелистер

ВО НОВАТА СЕЗОНА ПЕЛИСТЕР ВО ДРЕСОВИТЕ НА „ЈАКО„ ПРОМОЦИЈАТА ВО ПРВОТО КОЛ НА ПОЧЕТОКОТ НА АВГУСТ ПОД ТУМБЕ КАФЕ                                                                   
Веќе е познато како ќе изгледаат дресовите за сезоната 2013/14 на ФК Пелистер. Зелено-белите новите дресови од компланијата „Јако„ со логото на спонзорот „Пелистерка„ ќе ги промовираат на мечот со Еуромилк во Битола на 4 август.

18.07.2013.

Новаци „тврд орев„ се до самиот финиш

ПОДМЛАДЕНИОТ ТИМ НА ПЕЛИСТЕР ВО ФИНИШОТ ДОЈДЕ ДО ПОБЕДАТА ПРОТИВ ДОБРО ОРГАНИЗИРАНИОТ НОВАЦИ
Пријателски меч
Новаци - Пелистер 1:2 (1:0)

Стадион во Новаци. Гледачи: 100
Судии: Стојановски, Дренковски и Ралевски (сите од Битола)
Стрелци: Котевски во 36 минута за Новаци, Мирчевски во 84 и Трајковски во б7 минута за Пелистер
Жолти картони: Котевски и Ѓорговски (Новаци)
Црвени картони: нема

Тони Магловски на одстапка во Миравци

ЗАРАДИ ГОЛЕМАТА КОНКУРЕНЦИЈА, ПЕЛИСТЕР ГО ПРАТИ НА ОДСТАПКА МЛАДИОТ ДЕФАНЗИВЕЦ ТОНИ МАГЛОВСКИ
Младиот дефанзивец на Пелистер Тони Магловски од денес е нов член на амбициозниот второлигаш Миравци, каде тренер е битолчанецот Зоран Штерјовски. Младиот 20 годишен централен одбранбен фудбалер замина по драгоцено искуство на истокот од нашата земја, откако ги мина подготовките со Пелистер во Бугарија.

16.07.2013.

Ждребката му се насмевна на пелистерци

Познат е календарот на натпревари за сезоната 2013/14 во Првата фудбалска лига. Пелистер ќе дебитира во Битола против новиот прволигаш Еуромил, против кого никогаш не играл за прволигашки бодови, а се сретнал само во Втората лига. Пелистерци скоро сите дерби средби во првиот круг ги играат под Тумбе кафе.

„Пелистерка„ ќе стои на дресот на Пелистер

ДЕНОВИВЕ ЌЕ БИДЕ ПОТПИШАН СПОНЗОРСКИ ДОГОВОР НА ПОЗНАТАТА БИТОЛСКА КОМПАНИЈА И ФУДБАЛСКИОТ КЛУБ
 
Уште по првите две-три недели видливи се новите „ветришта„ во битолски Пелистер. И не само во играчкиот кадар, туку и во организационата поставеност и во делот на маркетингот. Долго годишната желба елитна битолска компанија да биде дел од спонзорскиот тим на клубот е остварена со потпишувањето на договорот за соработка меѓу познатиот македонски бренд „Пелистерка„ и познатиот фудбалски клуб.

15.07.2013.

Богдановски најуспешен, најголем ќар имаат Стојковска и Лазов

НОВ БЛЕСОК НА ЕДИНСТВЕНИОТ БИТОЛСКИ ВЕЛЕМАЈСТОР НА МЕЃУНАРОДЕН ТУРНИР ВО ШАХ
Битолскиот велемајстор (ВМ) Влатко Богдановски (2.435, 19. рангиран на турнирот) го освои 16. место на меѓународниот турнир „Спортско лето“, во Параќин, со 5,5 поени (три победи, пет ремија, еден пораз) од девет можни и е најуспешни Македонец од петтмина што настапија. Интернационалниот мајстор (ИМ) од Скопје Дејан Стојановски (2.439, 18-рангиран) заврши на 28-то место, со пет поени (три победи, четири ремија, два пораза).

Тосковски и Митевски во Аполдер во Германија

ДВАЈЦА РАКОМЕТАРИ НА ПЕЛИСТЕР СЕ СЕЛАТ ВО ТРЕТАТА ГЕРМАНСКА ЛИГА
Двајца ракометари од искусната гарнитура на Пелистер се одлучија да го прифатат предизвикот и да заминат во странство. Голманот и долги години капитенот на зелените Игор Тоскоски и крилото Васил Митевски потпишаа договор со германскиот третолигаш Аполдер крај Дрезден.

14.07.2013.

Последни мигови на пелистерци во Банско

ВЕЧЕРВА ПЕЛИСТЕРЦИ ПО ПОСЛЕДНИОТ ТРЕНИНГ, СЕ ВРАЌААТ ЗА БИТОЛА ПО ДЕСЕТТО ДНЕВНИ ПОДГОТОВКИ КАЈ НАШИОТ ИСТОЧЕН СОСЕД

Вечерва во Банско, фудбалерите на Пелистер ќе го реализираат последниот тренинг и по вечерата ќе тргнат на пат за Битола, завршувајќи ги десетто дневните подготовки во Бугарија. Во последните два дена групата е комплетна, бидејќи по повредата од мечот со Литекс и Бурхан Мустафов е во стројот и ги извршува секојдневните обврски.

13.07.2013.

Главевски успешно опериран, од вторник ја почнува рехабилитацијата

ИСКУСНИОТ НАПАЃАЧ УСПЕШНО ОПЕРИРАН ВО СКОПЈЕ ПО ПОВРЕДАТА НА КОЛЕНОТО
 
Несреќниот напаѓач на Пелистер, Благојче Главевски пред неколку дена успешно е опериран на коленото и уште неколку дена ќе биде во скопската болница, а од вторник се враќа во Битола и ќе го почне процесот на рехабилитација.

12.07.2013.

Второ и трето место за КК„Младост„ на турнирот во Барселона

НОВ МЕЃУНАРОДЕН УСПЕХ НА КК МЛАДОСТ. ОВОЈ ПАТ БЛЕСОК СРЕД КАТАЛОНИЈА
Во периодот од 28-30 јуни младите кошаркари и кошаркарки на Младост  учествуваа на Третиот меѓународен кошаркарски турнир „Барселона Баскетбал Куп 2013“ кој што се одржа во спортскиот комплекс „Марбела“ во Барселона.

Против Јагодина, првите знаци за новиот Пелистер

ПРЕД КРАЈОТ НА ПОДГОТОВКИТЕ ПЕЛИСТЕР ГИ ДОБИ ПРВИТЕ СИГНАЛИ КАКО ТРЕБА ДА ИЗГЛЕДА ВО НОВИОТ ШАМПИОНАТ
Уште два дена Пелистер ќе биде во Банско на своите базични подготовки за новата сезона. Денес тренерот Драган Бочевски им даде слободен ден на фудбалерите по шест тренинзи и три меча во овој бугарски планински спортски центар. Ако на тоа се додаде и мечот во Тетевен со Литекс, пелистерци во целост ја остварија планираната програма која ја предвидоа.

Пивковски во Новара за добредојде погоди против Милан

МАКЕДОНЕЦ СО ШВЕДСКИ ПАСОШ ГО ЗАСИЛИ НАПАДОТ НА НОВАРА И БЛЕСНА НА ДЕБИТО ПРОТИВ МИЛАН
 
Малкумина знаат дека Пандев и Стефан Ристевски не се единствените македонци кои играат во Италија. Од пред некој месец во италијанскито второлигаш Новара потпиша 19 годишниот Филип Пивковски, кој по потекло е од Битола, но поникна во школата на Малме и настапува за сите младински селекции на Шведска.

11.07.2013.

„Сефте„ за Жуниор, најпозитивен Пелистер за крај

Пелистер одигра најквалитетно во четвртиот тест на бугарско тло и го совлада освојувачот на српскиот Куп
Пријателски меч:
Пелистер - Јагодина 2:0 (1:0)

Стадион во Разлог (Банско) - Бугарија. Гледачи: 100
Главен судија: Ѓорѓи Иванов
Асистенти: Емил Вангелов и Николај Марков (сите од Бугарија)
Стрелци: Жуниор од пенал во 3 и К. Степановски во 69 минута за Пелистер
Жолти картони: Христов, Марковски, Мојсов (Пелистер), Илиќ (Јагодина)

10.07.2013.

Наместо со Брегалница, тест со Јагодина

ИЗМЕНА ВО ПЛАНОТ И ИМЕТО НА ПРОТИВНИКОТ НА ПЕЛИСТЕР ВО БУГАРСКИОТ БАНСКО
Во последен момент, македонскиот прволигаш Брегалница го откажа последниот натпревар од „Пири купот„ и пелистерци мораа да побараат алтернатива за последната контрола во Банско. Експресно ја пронајдоа во веројатно најквалитетната екипа, која се наоѓа на подготовки во овој бугарски зимски центар, победникот на српскиот Куп, Јагодина.

Пелистер го комплетира мозаикот

ПОЛОВИНА ОД БУГАРСКИТЕ ПОДГОТОВКИ И БИТОЛСКИОТ ПРВОЛИГАШ ГИ СТАВА КОНТУРИТЕ НА ТИМОТ ЗА НОВАТА СЕЗОНА
По три контролни средби во четири дена, фудбалерите на Пелистер можеа конечно да влезат во нормален ритам на тренинзи и парче по парче го комплетираат мозаикот за новата сезона. Бочевски работи со 23-24 фудбалери од кои надвор од стројот превентивно се Бурхан Мустафов и Сашко Дуков. Тие двајца и Марјан Алтипармаковски нема да настапат утре на последниот пријателски меч во Банско со штипска Брегалница. Новиот тренер на битолчани најмногу доверба има во одбраната и скоро да не ја менува во првите неколку средби од предсезоната. Новиот капитен голманот Горан Пашовски верува дека Пелистер пред себе има голем предизвик и високи амбиции: „Радосен сум заради моето враќање во вака организиран и играчки квалитетен Пелистер. Почестен сум што за прв пат во кариерата ја носам капитенската лента во мојот матичен клуб. Тоа носи голема одговорност и верувам дека добро ќе се справам со предизвикот. Што се однесува до екипата, имам впечаток дека Пелистер е посилен во сите линии за разлика од минатата сезона, но тоа мора да го покажеме на теренот. Напорно работиме, сите добро знаат што значат базичните подготовки и со ваков ентузијазам сите заедно во Битола можеме до нешто многу големо„ ни рече бившиот чувар на мрежата на Напредок, кој ја почна својата трета епизода во Пелистер. Утре со Брегалница, стручниот штаб на Пелистер планира да ја подигне минутажата на таканаречените првотимци на 65-70 минути, но пак планирано е шанса да добијат сите кои се подготвени за овој меч. Иако Бочевски потенцира дека резултатот не е во прв план, по едно реми и два порази, битолчани не сакаат без триумф да се вратат од Бугарија.
Алтипармаковски без повреда, влезе во нормален тренажен процес

                Иако се пожали на болки во препоните, младиот напаѓач Марјан Алтипармаковски нема сериозна повреда и од вчера нормално тренира со екипата. Во Благоевград беше извршена магнетна резонанца, која исклучи секаков вид на сериозна повреда и бившиот фудбалер на Ксанти полека фаќа приклучок со нивото на форма на останатите. Првите минути по враќањето во неговиот матичен Пелистер, Алтипармаковски треба да ги очекува наредната недела на контролните мечеви во Битола.
Николај Христов задоволи, ќе потпише договор со Пелистер

                По 4-5 дена работа со групата и три контролни натпревари во кои играше по 30-45-55 минути, бугарскиот интернационалец Николај Христов ги задоволи вкусовите на стручниот штаб на Пелистер и штом се врати со екипата во Битола ќе потпише едногодишен договор со македонскиот клуб. Христов е фудбалер за врска со две-три сезони во нозете во Првата бугарска лига за Ботев Враца и ќе претставува алтернатива повеќе во средниот ред, посебно во дефанзивните задачи.
 
Главевски со нов договор, но мора на операција

                Како и на зимските подготовки и на овие летните во групата на пелистерци недостасува напаѓачот Благојче Главевски. Тој уште на првите тренинзи во Битола почувствува болка во коленото и по неколку консултации и магнетна резонанца, утврдено е дека се работи за сериозно истегнување на лигаментот, заради кое ќе мора да биде подложен на оперативен зафат. Скоро сигурно Главевски го очекува подолга пауза и неговото враќање, како и на капитенот Ристевски, се очекува во пролетниот дел од шампионатот, во наредната 2014 година. Пелистер покажа дека има доверба во овој фудбалер и му понуди двогодишен договор, кој во наредните неколку дена ќе биде потпишан.

09.07.2013.

Пораз во скромно второ полувреме за Пелистер

БУГАРСКИОТ ВТОРОЛИГАШ МОНТАНА ПОДОБАР ОД ПЕЛИСТЕР ВО КОНТРОЛЕН МЕЧ ВО БАНСКО
„Пири 2013„ - Разлог (Бугарија)
Пелистер - Монтана 1:3 (0:0)

Стадион во Разлог. Гледачи: 100
Главен судија: Стефан Апостолов
Асистенти: Николај Попниколов и Борислав Арабаџиски (сите од Бугарија)
Стрелци: Миленковски во 89 минута за Пелистер, а Гајтанив во 54, Мецечиев во 76 и Методиев во 90 минута за Монтана
Жолти картони: Китановски, Мојсов (Пелистер), Васев (Монтана)

08.07.2013.

Бочевски задоволен од двата теста

ПЕЛИСТЕРЦИ ИМАА ПОМИРЕН ДЕНЕШЕН ДЕН, ПРЕД УТРЕШНИОТ НОВ ТУРНИРСКИ МЕЧ ВО БУГАРИЈА
По напорниот пат и двата престижни пријателски меча со Литекс и Локомотив Пловдив, фудбалерите на Пелистер добија рекуперација во текот на утрото и слободно попладне. Немаат многу време до наредниот меч од турнирот „Пири 2013„ бидејќи утре во необичен термин од 9 часот изутрина по македонско време, ќе се соочат со бугарскиот второлигаш Монтана, кој одигра без голови со штипска Брегалница во првото коло. Тој меч го следеше и спортскиот директор Миле Димов и има престава за наредниот ривал. Монтана е многу млада екипа, која сепак му создаде проблеми на штипските сини. Тренерот на пелистерци Драган Бочевски е задоволен од првите два теста и не штеди комплименти за своите фудбалери: „Мора да бидам задоволен од сработеното до сега и од двата пријателски натпревари. Шанса добија скоро сите фудбалери, сите се однесуваа многу професионално, дисциплинирано и оптимист сум дека се наоѓаме на вистинскиот пат. Резултатот е во втор план, иако мора да напоменеме дека игравме со две квалитетни бугарски екипи, кои се во петтата недела од подготовките,а ние имаме само десетина дена тренинзи. Се надевам дека вака само ќе продолжиме„ ни рече охриѓанецот. Надвор од екипата, но во тренажен процес повторно се Мустафов, Вељановски и Алтипармаковски, кои набрзо ќе се вратат со полн интензитет како и останатите. Она од што најмногу е задоволен Бочевски е одбранбениот ред кој со доаѓањата на Пашовски и Менде Степановски доби на искуство и цврстина. Утре против Монтана од првата минута ќе почне бугарскиот фудбалер на проба Николај Христов, кој одигра по половина час на првите контролни средби и има позитивни сигнали дека ќе му биде понуден перманентен договор.
Четири теста по враќањето од Бугарија

                Пелистер ја дефинира програмата за последната трета фаза од подготовките, која ќе ја комплетира во Битола и веќе се знаат термините за четири пријателски меча со македонски прволигаши и второлигаши, кои ги побара стручниот штаб. На 18, 21,25 и 28 јули Пелистер ќе се соочи со два тима од Втората лига (Новаци и Победа) во термините сред недела, а за време на викендите ќе игра со прволигашки спаринг партнери, кои ќе бидат одредени откако ќе биде познат календарот за новата сезона, која почнува на 4 август. 

07.07.2013.

ФОТО ГАЛЕРИЈА: Пелистер во бугарскиот рај за подготовки

Првите два дена од бугарските подготовки Пелистер ги мина во малото место Тетевен, а од денес е во Банско, каде ќе остане до крајот на неделата и ќе ја помине централната фаза на подготовки. И во хотел „Олимп„ во Тетевен и во хотел „Белведере„ во Банско, пелистерци тренираат и се подготвуваат во оптимални услови.

Мрежите мируваа во мечот на Пелистер со Локо Пловдив

 „Пири„ Куп - Разлог (Бугарија) 1 - коло

Локомотив Пловдив - Пелистер 0:0

Стадион во Разлог (Бугарија). Гледачи: 100
Главен судија: Христо Ристосков
Асистенти: Емил Вангелов и Николај Марков (Сандански, Бугарија)
Жолти картони: Диего (Локомотив Пловдив), Миленковски (Пелистер)

06.07.2013.

Пелистер солиден, Литекс со пресврт во вториот дел

ОДИГРАН ПРВИОТ КОНТРОЛЕН НАТПРЕВАР НА ПЕЛИСТЕР НА ДРАГАН БОЧЕВСКИ ВО БУГАРИЈА
Литекс - Пелистер 3:1 (0:1)
               
Градски стадион во Тетевен - Бугарија. Гледачи: 200
Судии: Ивајло Петров
Асистенти: Пламен Химков и Венцислав Банчев (сите од Бугарија)
Стрелци: Попов во 48 и Џордан во 69 од пенал и во 90 минута за Литекс, а Марковски во 9 минута за Пелистер

05.07.2013.

Пелистер од Бугарија ги „става темелите„ за новата сезона

ТЕТЕВЕН ВО БУГАРИЈА Е ПРВАТА БАЗА НА БИТОЛСКИ ПЕЛИСТЕР НА ПОДГОТОВКИТЕ ВО БУГАРИЈА
Од денес наутро битолски Пелистер ја започна втората фаза на подготовки, која ќе ја реализира во Бугарија, во Тетевен и Банско. Десет дена базични подготовки и четири силни контролни средби во кои Драган Бочевски ќе ги провери 23 фудбалери кои ги поведе на подготовки. Со исклучок на повредените Диме Ристевски и Благојче Главевски, сите останати се во нормален тренажен процес. Прекрасните услови во Тетеван и поројниот, но сепак пријатен дожд ги пречекаа зелените, кои по втор пат се гости во овој спортски комплекс. За разлика од пред пет години, тој е изграден по најновите стандарди и врвните бугарски екипи често во летните месеци доаѓаат на подготовки или играат контролни мечеви. Така и пелистерци во Тетевен одржаа еден тренинг и утре од 17 часот ќе играат престижен пријателски меч со збратимениот Литекс од Ловеч. Бугарскиот тим, кој минатата сезона ја заврши на петтото место, порано ги започна подготовките за новата сезона и ќе биде повеќе од сериозен тест за македонскиот прволигаш. Овој меч ќе биде деби на 22 годишниот бразилец Стенио Маркос де Фонсека Салазар Жуниор и тоа баш против неговата бивша екипа „Нестрпливо чекам да започнам да играм натпревари за Пелистер. Многу ми се допаѓа се што е поврзано со овој клуб: градот, соиграчите, атмосферата, навивачите. Верувам дека пред нас е одлична сезона. Во Литекс имам пријатели, секојдневно се слушам со сонародникот Вангер и денес за прв пат ќе играме еден против друг„ вели Жуниор кој пет месеци мина во Литекс и постигна 1 гол на 6 првенствени натпревари за екипата која минатата сезона ја водеше Христо Стоичков. Многу често овој нов Пелистер репер гледа во оној последниот кој играше во Европа во сезоната 2008/09. Многу компоненти наликуваат на таа генерација водена од Неџат Хусеин, па и враќањето на дефанзивецот Методија Степановски од Ренова „Верувам дека Пелистер пак ќе биде оној кој го напуштив пред неколку години. Со моето враќање и враќање на неколку битолски фудбалери, бразилецот Жуниор, новиот проект во клубот, сите сме оптимисти дека ова е само еден нов почеток за нашиот клуб. Нам Пелистер одсекогаш ни недостигал, а во врвот му недостига и на македонскиот фудбал. Мислам дека наскоро ќе го вратиме клубот каде што му е местото„ ни рече искусниот дефанзивец. 
Во Тетевен битолчани остануваат до недела наутро, кога заминуваат за Банско. В недела таму ги очекува уште еден сериозен тест против бугарскиот прволигаш Локомотив Пловдив (десетто пласирана екипа од последниот шампионат на Бугарија). Со оглед на тоа што пред себе има два компетитивни меча во два дена сред подготовки, стручниот штаб на пелистерци ќе ги подели силите и веројатно шанса ќе им даде на сите фудбалери. Пелистер останува во Банско до 14 јули, кога во попладневните часови се очекува враќање во Битола и подготвување на последната фаза од подготовките и одигрување на уште два контролни меча пред првенственото деби на 4 август.
Можни состави:

Литекс:
Пиргов, Божиков, Алаџов, Попов, Миланов, Вангер, Џордан, Малинов, Берберовиќ, Златанов, Цветанов

Пелистер:
Пашовски, Китановски, М. Степановски, Драгарски, К. Степановски, Миленковски, Мојсов, Љамчевски, Мустафов, Жуниор, Марковски
Литекс во добра форма пред мечот со Пелистер

                Литекс започна нов проект со тренерот Златомир Загорчич кој го наследи Христо Стоичков и доби подмладен тим за новата сезона во Бугарија која почнува на 20 јули. Во последниот тест пред мечот со македонската екипа, Литекс убедливо го совлада Академик Свишов со 4:0 со по два гола на Вангер да Силва и на колумбиецот Џордан. При три од четирите гола асистираше Манолов. 
Сашко Дуков ново засилување во нападот

                Младиот кавадарчанец Сашко Дуков е последно засилување за нападот на Пелистер и одпатува во Бугарија на подготовките со екипата. Се работи за младо момче со ветувачка перспектива, кое поникна во школата на Тиквеш и ќе му пристапи на битолскиот прволигаш за новата сезона.