Одложено гостувањето на Пролет во Битола

ПРОБЛЕМИТЕ СО НЕДОСТАТОКОТ НА СИЛНИ ПРОТИВНИЦИ, ГЛАВНА ГРИЖА КАЈ ПЕЛИСТЕРЦИ

Иако се очекуваше денес ракометарите на Пролет да допатуваат во Битола и да одиграат возвратен контролен натпревар со екипата на Пелистер, мечот нема да се одигра. Имено скопјани не успеаа да се организираат и побараа во Битола да гостуваат наредната недела.
Тимот на Томче Петрески така остана без планираниот контролен меч за крајот на оваа недела и управата на клубот се обидува да пронајде спаринг партнер, што воопшто не е лесно. Постојат некои шанси за пријателски меч со екипа од Грција, но мала е веројатноста. Според програмата на Петрески пелистерци ќе играат уште три теста до почетокот на официјалните пролетни мечеви.