18.08.2014.

Секуловски: „Ако не се реши ситуацијата во клубот за два-три дена ни претстои црна иднина„

ТРЕНЕРОТ НА ПЕЛИСТЕРЦИ РАЗОЧАРАН ОД ПОРАЗОТ И ОД БАВНАТА ТРАНСФОРМАЦИЈА НА КЛУБОТ
Во можеби и најдоброто издание на Пелистер оваа есен, избраниците на Марјан Секуловски загубија од Металург, а тренерот на битолчани немаше замерки кон своите пулени и јасно порача дека клубот „виси„ ако не се средат административните проблеми во најкраток временски рок:
„Им честитам на моите фудбалери за прикажаната игра и залагањето на денешниот натпревар. Не заслуживме пораз бидејќи игравме добро и создадовме најмалку 6-7 стопостотни шанси за гол. Меѓутоа затаи реализацијата и загубивме. Верувам дека тој проблем со работа ќе го решиме. Најголемиот наш проблем во овој момент е ситуацијата во клубот. Доколку таа не се разреши во наредните два-три дена му претстои црна иднина на клубот„ заклучи Секуловски по мечот со Металург кој Пелистер го загуби со 0:1. 

Нема коментара:

Постави коментар