ФФМ поведе постапка заради транспарентот: „Битола е албански град„

НА ФК ШКУПИ МУ СЕ ЗАКАНУВА ПАРИЧНА КАЗНА ЗАРАДИ ПОЛЕМИЧНИОТ ТРАНСПАРЕНТ

Фудбалската федерација на Македонија поведе дисциплинска постапка против второлигашот Шкупи, за националистички испад и провокациите од навивачите, популарните „Шверцери“ на мечот со Младост Царeв Двор во саботата и за една недела се очекува казната за чаирчани.
Приврзаниците на поранешниот македонски шампион Слога Југомагнат, сега прекрстен во Шкупи истакнаа парола на оградата на трибината „Битола е албански град“, па ФФМ поведе постапка за истакнување транспарент со националистичка содржина, но и поради два прекини во текот на мечот, иницирани од употребата на пиротехника на мечот.