09.04.2014.

Нема финале за Канатларовски и Спартак

ПАК МИНИМАЛЕН ПОРАЗ ОД ВОЈВОДИНА ЗА ФУДБАЛЕРИТЕ НА СПАРТАК ВО ПОЛУФИНАЛЕТО НА КУПОТ
Во возвратниот натпревар од полуфиналето на Купот на Србија, новосадска Војводина и на вториот меч го совлада тимот на Спартак на Канатларовски со 1:0.
На градскиот стадин во Суботица, долго време се менуваа шансите и пред едниот и пред другиот гол. По поразот на првиот меч од 1:0, момците на Канатларовски тргнаа поофанзивно и беа казнети во 76 минута. Како и на првиот натпревар кога постигна гол од белата точка, Сергеј Милинковиќ - Савиќ, најдобро се снајде по еден корнер, по кој домашните плави не ја расчистија опасноста, и со глава ја смести топката во мрежата на Спартак Златибор Вода. Со вкупни 2:0 Војдовина е првиот финалист на 7 мај, а противникот ќе го дознае вечерва по возвратниот дуел на Јагодина и ОФК Београд. 

Нема коментара:

Постави коментар