Powered By Blogger

17. 4. 2013.

Пак тандемот Пецаковски-Чантурија кобен за Пелистер

ДВАЈЦАТА РАКОМЕТАРИ КОИ ОД ПЕЛИСТЕР ЗАМИНАА ВО ЗОМИМАК, ЈА НАПРАВИЈА РАЗЛИКА НА СРЕДБАТА
Пелистер - Зомимак 25:28 (13:15)

Спортска сала „Младост„ - Битола. Гледачи: 500
Судии: Александар Николов и Ѓорѓи Начевски (Скопје)
Делегат: Драган Начевски (Скопје)

Пелистер:

Тоскоски, Божиновски, Костовски 1, Димитровски 3, Мемиќ, Ангелевски 3, Дрогришки 3, Илиевски 4, Чурлевски 1, Вешовски 4, Митевски 6, Вељановски, Ивановски, Талевски, Нечков
Седмерци: 4/3
Исклучувања: 10 минути

Зомимак:

Колев, Стојановски, Соколов, Маглешев, Тренчевски 1, Чантурија 8 , Павловски 3, Везенковски 3, Пецаковски 8, Атанасов 1, Милосављевиќ 4, Лазаров, Петковски, Георгиев
Седмерци:  6/2
Исклучувања:  8 минути

                Во до крај драматичен натпревар, поквалитетната екипа на Зомимак успеа по втор пат во третиот меѓусебен меч оваа сезона со Пелистер да забележи победа. По почетните 3:3, битолчанецот Пецаковски им го носи првото одлепување на гостите (3:6). Се до финишиот на првиот дел предноста на гостите беше перманентна. Тогаш Митевски со неколку гола од контранапади израмни на 11:11. Но тандемот кој од Пелистер замина во Струмица, Дејан Пецаковски и Реваз Чантурија беше немилосрден и со уште два завршни гола донесе 13:15 на полувреме.
                Во вториот дел стартот ништо добро не им донесе на битолчани. Милосављевиќ и Пецаковски со мини-серија му носат највисока предноста на гостите (15:20). Но жилавата екипа на Кире Поповски не се предаваше. Се подобри играта во одбрана, младиот Дрогришки ја превзеде одговорноста, погоди и Ангелевски и на 7 минути пред крајот Пелистер израмни (23:23). Но тогаш на ефтин начин исклучувања заработија два домашни ракометари и тоа го искористи Пецаковски. Високиот битолчанец со уште два гола ја запечати судбината на својот матичен клуб. Токму Пецаковски и Чантурија ја надополнија тенката клупа на Зомимак и со екстра партија им донесоа важни бодови на амбициозниот суперлигаш од Струмица. Наредниот меч Пелистер пак го игра во спортската сала Младост против Куманово на 24 април.

Нема коментара:

Постави коментар