15.03.2013.

Тоскоски и Ангелевски го „воскреснаа„ Пелистер

ВО НАЈДОБРИОТ МЕЧ ВО СЕЗОНАТА, РАКОМЕТАРИТЕ НА ПЕЛИСТЕР ГО СОВЛАДАА ЗОМИМАК ОД СТРУМИЦА
Пелистер - Зомимак 28:24 (14:13)

Спортска сала „Младост„ - Битола. Гледачи: 800
Судии: Сашо Кркачев и Ѓоко Колевски (Скопје)
Делегат: Камер Металари (Скопје)
              
Пелистер:

Тоскоски, Божиновски, Нечков, Костовски, Димитровски 4, Мемиќ 1, Ангелевски 10, Дрогришки, Илиевски 1, Чурлевски 2, Вешовски 2, Рајатовски, Митевски 6, Вељановски, Ивановски 2, Талевски, Кузмановски
Седмерци: 5/4
Исклучувања: 4 минути

Зомимак:

Колев, Стојановски, Соколов 1, Маглешев, Тренчевски 2, Чантурија, Павловски 5, Везенковски 3, Пецаковски 8, Атанасов, Милосављевиќ 3, Лазаров, Петковски 2, Георгиев, Стојанов
Седмерци: 8/7
Исклучувања: 8 минути

                Во еден од највозбудливите натпревари во спортската сала „Младост„ во Битола, ракометарите на Пелистер го одиграа својот најдобар натпревар оваа сезона и на крилата на својот капитен Игор Тоскоски, му се реваншираа на струмичани за поразот во есенскиот дел и во подготовките. Од самиот почеток играта во одбрана и фантастичниот Тоскоски најавија дека бодовите ќе останат во Битола. Во одбраната зелено-белите делуваа цврсто и организирано, а во нападот Аце Ангелевски имаше решение скоро за се. Така се до одморот се играше гол за гол, со Пецаковски кој единствен одговараше на битолската еуфорија. Така со +1 се отиде на одмор, а одлуката околу победникот се појави на почетокот од второто полувреме. Ангелевски погоди два пати од 10 метри, Тоскоски „скина„ неколку зицери и брзо битолчани отидоа на 21:16. Таа игра со „камена„ одбрана и лесни голови од контра лансирани од Тоскоски, беше рецептот до крајот како да се добие мечот. Откако Кире Поповски и Игор Николовски ја превзедоа екипата ова беше најдобриот натпревар на ракометарите на Пелистер. Наредниот петок пелистерци играат со Преспа пред стартот на Суперлигата.   


Нема коментара:

Постави коментар