Powered By Blogger

9. 11. 2012.

Пелистер во ново финале за опстанок

ЗАБОРАВЕНИ НЕУСПЕСИТЕ, ПЕЛИСТЕР СЕ НАДЕВА НА ПОДОБРА СРЕЌА ВО ШТИП НА МЕЧОТ СО КОНКУРЕНТОТ БРЕГАЛНИЦА
По серијата на порази најдобра „медицина„ е еден позитивен резултат, кој ќе го смени размислувањето, ќе го засили моралот и самодовербата. Таков е случајот со Пелистер кој скоро два месеци не забележал триумф.
Од победата против Ренова, зелените имаат серија на неуспеси и само два нерешени резултати со Дрита и Хоризонт Здравје, како и победа во двомечот од Купот со Баби. Со целиот ростер со исклучок на казнетите Христијан Драгарски и Драган Димитровски, новиот предводник на Пелистер Миле Димов патува в недела во Штип. Против екипата која ја совлада со 1:0 под Тумбе кафе, пелистерци ќе ги бараат првите бодови на гостувањата:
                „Сведоци сме дека ништо не ни поаѓа од рака. И кога играме добро, како на последните средби не успеваме да извлечеме позитивен резултат. Мора да се мобилизираме, да го вратиме позитивниот дух во соблекувалната и верувам дека успехот нема да изостане. До крајот на есенскиот дел сите противници се исти. Квалитетни екипи, директни дуели за борбата за подобар пласман и знаеме дека не очекуваат некоку финалиња за чекор кон помирна ситуација на табелата. Мечот со Брегалница е само првиот од таа серија. Мора и нас да ни тргне, верувам почнувајќи од в недела„ ни рече најдобриот клубски стрелец Благојче Главевски.
                Токму Главевски е најавен како најистурен во нападот на битолчани, а подршка треба да добива од Ристевски и Рутевски кои ќе дејствуваат зад него. Во одбранбениот ред нема да има измени од последните два меча, но затоа најмногу ќе се ротира во редот за врска

Нема коментара:

Постави коментар