Powered By Blogger

25. 11. 2012.

Нов двоен пораз на битолските суперлигаши

Ако Битола во Струмица немаше што да бара со Зомимак М, тогаш домашниот пораз на Пелистер од Металург Јуниор е прворазредно изненадување
 РК Пелистер 08 - РК Металург Јуниор  22:24 (11:13)

Спортска сала „Младост„ - Битола. Гледачи: 500
Судии: Дејан и Димитар Георгиевски од Скопје.
Делегат: Стеванчо Коруновски од Скопје.

Пелистер:
Тоскоски, Божиновски, Костовски 4, Ангелковски, Ордев 3 , Стојановски, Јосифовски, В. Димитровски 2, Чурлевски 9, Митевски, Вешовски 2, Дрогришки 1, К. Митревски , Петровски, Мемиќ 1

Исклучувања:  6 минути
Седмерци:  2/1

РК Металург Јуниор:
Ивановски (12 одбрани), Даниловски (5 одбрани), Бошковски, Пешевски 2, Нелоски 4, И.Крстевски 3, Манасков 8, Матијашиќ, Маркудов, Палевски, Талески, Бој.Маџовски 2, Давитковски, Стојановски, Г.Крстевски 5 и Борј.Маџовски.     

Седмерци: 6/6.    Исклучувања: 6 минути.

Металург Јуниор се врати од Битола со “крупен“ плен. Совладана е фаворизираната екипа на Пелистер со резултат 24:22 (13:11). Според водството на гостинската екипа победи скопската добра одбрана на чело со голманот Ивановски, кој собра 12 одбрани. Металург Јуниор во поголемиот дел од средбата ја имаше контролата врз резултатот и сосема заслужено ги однесе бодовите од “жешкиот“ терен во Битола. На почетокот Пелистер одржуваше минимално водство се до 5:4, а потоа Јуниор ја презеде играта, поведе со 5:6 и до крајот на првиот дел водеше жестока борба за секој гол. Првото полувреме го добија гостите од Скопје со 13:11. Во второто полувреме Металург Јуниор постојано имаше мала предност. Меѓутоа домашните ракометари не се предаваа и при крај на натпреварот имаа и минимално водство од 22:21. Сепак, со серија од 3:0, младите ракометари на Металург Ј.  дојдоа до вредна победа и нови суперлигашки бодови. Мартин Манасков се истакна со своите 8 постигнати голови.

''Рисовите" по втор пат ја совладаа Битола

Зомимак М - Битола 36:32(19:11)

Во еден неинтересен натпревар струмичани рутинирано го освоија 3 бода. Уште од самиот почеток ракометарите на Зомимак М почнаа да го полнат голот на битолчани , од минута во минута водството постојано растеше, па најголемата предност струмичани ја имаа за +14 некаде на средината од второто полувреме. До крајот на натпреварот по голем пад во струмичкиот состав гостите успеаа да дојдат до респектабилни 4 голови разлика. Најефикасен на денешниот натпревар беше Чантурија со 9 погодоци, Милосављевиќ и Митев постигнаа по 5, Пецаковски и Тренчевски по 4 погодоци, Шалевски 3 пати го погоди противничкиот гол, а во листата на стрелците се запишаа и Соколов и Павловски со по 2, односно Стојанов и Василев со по 1 погодок .


Митревски и Тодоровски во Франција

                Вртоглавиот развој на кариерата на младите битолски интернационални судии Димитар Митревски и Благојче Тодоровски продолжува. Интернационалните судии од нашиот град не само што ја делат правдата во најинтересните средби во домашната ВИП Супер лига и регионалната СЕХА лига, туку се почесто им се доверуваат и престижни мечеви од европските купови. Така минатиот викенд Митревски и Тодоровски судеа на најинтересниот меч од 3 коло на ЕХФ купот во Франција, меѓу Нант и Бенфика. Секоја пофалба за овие млади момци кои изворедно ја преставуваат Македонија на највисоката ракометна смотра во Европа. 

Нема коментара:

Постави коментар