Гостите од Задар најуспешни на велигденскиот турнир

ХРВАТСКИТЕ КЛУБОВИ НАЈУСПЕШНИ НА ВЕЛИГДЕНСКИОТ ТУРНИР ВО ОРГАНИЗАЦИЈА НА КК„МЛАДОСТ„

Во организација на кошаркарскиот клуб „Младост“, Општина Битола и Ректоратот на Универзитетот „Св. Климент Охридски“ од Битола изминатиот викенд се одржа петтиот традиционален меѓународен Велигденски турнир за млади категории „Битола 2015“. Учество зедоа 18 екипи од Македонија и Хрватска и тоа, во четири категории: девојки родени 1999/2000, девојки 2001/02, момчиња 2000/01 и момчиња 2003/04. Натпреварите се одржаа во спортската сала „Павел Шатев“ - Студентски дом и спортската сала „Младост“. По тридневни натпревари сосема заслужено првите места во три категории им припаднаа на гостите од Задар, Република Хрватска:

ДЕВОЈКИ 1999/2000:

Задар, Младост, МНА-Кавадарци, Гостивар 2009

ДЕВОЈКИ 2001/02:

Задар, Младост, Гостивар 2009, Струга 2009

МОМЧИЊА 2000/01:

Воштарница - Задар, Партизан ВС - Скопје, Црн Дрим - Струга, Младост, Гостивар 2009

МОМЧИЊА 2003/04:

Партизан ВС, Воштарница, Младост, Гостивар, Црн Дрим

Организаторот на најдобрите им додели пехари и дипломи. Свој настап имаа и поранешните кошаркарки на Пелистер/Битолатекс кои одиграа ревијален натпревар со женската екипа на „Младост“ засилена со поранешниот капитен Симона Стојановска. Исто така, и најмладите членови на „Младост“ (деца од 4-8 години) имаа свој настап. „Добро организиран турнир кој што во целост ги исполни нашите очекувања. Видовме до каде се и македонските и хрватските надежи. Благодарност до организаторот за прекрасниот пречек и организација на натпреварите„ изјави Умберто Пиасеволи, селектор на женската кадетска репрезентација на Хрватска и тренер на ШК „Задар“. „Годинава покрај рекордниот број на учесници имавме и обврска да се претставиме како добри домаќини на гостите од Задар. Најбитно беше што децата се дружеа и стекнаа нови пријатели. Во иднина очекувам продлабочување на нашите спортски контакти со Задар и одигрување на натпревари и во Задар„ по завршувањето на турнирот изјави Горјан Стојановски, претседател на КК „Младост“.