11.01.2014.

Алтипармаковски потпиша за Паналијакос

ВТОРИОТ КЛУБСКИ СТРЕЛЕЦ ГО НАПУШТИ ПЕЛИСТЕР И СЕ ВРАТИ ВО ГРЧКАТА ЛИГА
22 годишниот напаѓач Марјан Алтипармаковски е нов член на грчкиот второлигаш Паналијакос Пиргос. Тој го стави потписот на договорот кој го врзува со бившиот прволигаш на шест месец, со опција ако двете страни бидат задоволни, истиот да биде продолжен на уште една година. Ова е враќање на Алтипармаковски во Грција, каде две и пол години беше член на грчкиот прволигаш Ксанти. Паналијакос е на 12 место во Втората грчка лига и веќе в понеделник игра меч од редовното 16 коло на гости кај Глифадас. Алтипармаковски мина шест месеци по враќањето од Ксанти во Пелистер и беше втор клубски стрелец минатата есен веднаш зад бразилецот Стенио Жуниор. Фудбалерот беше задоволен од понудените услови и овој пат очекува да ги покаже сите свои квалитети во грчката лига.

Нема коментара:

Постави коментар