ВТОРА ТИТУЛА НАЦИОНАЛЕН ПРВАК ВО КАРИЕРАТА ЗА БИТОЛЧАНЕЦОТ МИРКО ИВАНОВСКИ
На четири кола до
крајот на унгарското фудбалско првенство, Мирко Ивановски и неговиот Видеотон и
математички се шампиони на својата земја. По вчерашната победа на гостувањето
кај Дебрецин со 1:2 и само ремито на второпласираниот Ференцварош на гости кај
Печи, предноста скокна на огромни и недостижни 13 бода, што јасно покажува за
супериорноста на Видеотон.
Екипата на битолчанецот има само еден пораз оваа
сезона, а на 20 мај може да дојде и до двојната круна, бидејќи игра во финалето
на Купот против Ференцварош. Ова е втора титула за Видеотон во унгарската лига
по 2010/11, кога премиерно се радуваше. Ивановски кој во јануари од романскиот
Клуж дојде во Видеотон, претходно беше првак на Македонија со екипата на
Македонија Ѓ.П.
Нема коментара:
Постави коментар