ЕДЕН ДЕН ПО ЗАМИНУВАЊЕТО НА ШТЕРЈОВСКИ, ПЕЛИСТЕР ЈА ПРОНАЈДЕ НЕГОВАТА ЗАМЕНА
Димов одлично го познава амбиентот и голем дел од својата кариера мина во матичниот клуб. Тој беше дел од екипата која го освои единствениот Куп трофеј пред 14 години, а по завршувањето на играчката кариера неколку пати работеше во клубот. Најнапред како технички директор, па во два наврати како привремен тренерски избор и до минатата сезона еден од двата помошници на Хаџиевски. Пелистер под водство на Димитар Капинковски ќе тренира се до крајот на следната недела, а потоа фудбалерите заминуваат на четиринеделен одмор. Пелистерци пак ќе се соберат на 10. јануари и првата недела ќе тренираат во Битола, а потоа ќе заминат на десеттодневни подготовки во Негорски бањи. Клубот веќе започна преговори со неколку фудбалери кои ќе го засилат тимот во зимската пауза, а се најавуваат големи промени и доведување на 6-7 новајлии. Пелистер најмногу измени ќе направи во офанзивната линија. Есенскиот дел од шампионатот, екипата од под „Тумбе кафе“ го заврши на четвртото место со четири бода помалку од водечките Љубанци и Македонија Ѓорче Петров.
Нема коментара:
Постави коментар