Пелагониското дерби за домаќинот

КАКО И ВО МАШКИОТ ДУЕЛ, ТАКА И КАЈ ДЕВОЈКИТЕ, ПРИЛЕП ПОУСПЕШЕН ОД ПЕЛИСТЕР 

Прилеп - Пелистер 21:20 (8:7)

Сала на СОУ Ристе Ристески - Ричко во Прилеп: Гледачи 400

Судии Виктор Начевски и Даниело Божиновски (Скопје)

Делегат: Благој Петров (Велес)

Прилеп:

Наумоска (10 одбрани), Богеска, Митроска, Митревска 2, Сваќароска, Конеска, Маринковска, Јовановска 2, Крстевска 1, Аџулеска 3, Јаковлеска, Ристовска 3, Кимоска, Ѓорѓиоска 10, Камческа, Рипилоска

Седмерци 5/4

Исклучувања: 6 минути

Пелистер:

Митовска (15 одбрани), Шијаковска, Калевска, Трпковска 1, Станоевска, Жупан 3, Бошевска, Спировска 3, Котевска, Петлеска 3, Талевска 7, Шундовска, Трајковска 2, Секуловска 1

Седмерци 3/2

Исклучувања: 10 минути

Во многу изедначен натпревар, Прилеп го доби првото пелагониско дерби во женската Супер лига. По одличниот меч со Металург, екипата на Прилеп одигра уште еден одличен меч и имаше повеќе среќа во завршните моменти со Пелистер. На крилата на блескавата Ѓорѓиеска, домашната екипа при 13:14 направи серија од 4:0 и тоа се покажа како клучно за победата. Во тимот на Пелистер, одличен натпревар за Митовска на голот и Талевска, која постигна 7 гола. За само две недели, екипата на Борче Марковски го игра првиот меч од Челинџ Купот против Шкипоња од Косово.