Шундовски и Ангеловски, втора година по ред во групите на ЕХФ Купот

ВТОРА ГОДИНА ПО РЕД МАКЕДОНСКИ ПРЕТСТАВНИЦИ ВО ЕХФ КУПОТ ЌЕ БИДАТ КОНСТАНЦА И АНГЕЛОВСКИ И ШУНДОВСКИ

Втора година по ред македонскиот тренер Звонко Шундовски и неговата Констанца ќе играат во групната фаза на ЕХФ Купот. Констанца со Ангеловски на теренот и Шундовски на клупата во последното трето квалификациско коло со две победи успеа да го совлада и елиминира норвешкиот претставник Елверум.

Во Скандинавија романскиот првак славеше со 29:30 (15:15), откако претходно во Романија беше уште поубедливо, 27:21 (12:14). Најефикасни во тимот на Констанца беа шпанецот Хумет Гаминде со 10 и Тома со 7 гола. Минатата година Констанца играше на Final four на ЕХФ Купот во Берлин и на крајот заврши на четвртото место.