РК Пелистер ги претстави своите засилувања

Ракометниот клуб Пелистер успешно се трансформираше во Акционерско Друштво, предводено од новиот спонзор Силјан Мицевски. Целта на поранешниот македонски првак е јасна, во прв момент да се состави стабилен клуб и истиот да се исправи на здрави нозе, за догодина „пелистерци“ да се обидат и да ги замрсат сметките на Металург и на Вардар во битката за највисок пласман.
Новата управа почна со ангажман на нови ракометари, доведувајќи во Битола четири млади играчи: Дарко Георгиевски, Горан Печенковски, Љупчо Игнов и Бобан Блажевски „Потпишавме пред се со млади и надежни ракометари кои се иднината на нашиот клуб и иднина на Македонскиот ракомет. Со новиот спонзор г-дин Силјан Мицевски очекуваме да направиме стабилен клуб со уште некое засилување, и од следната сезона да му се спротиставиме на Вардар и Металург. Имаме сериозен проект и се надеваме дека ке успееме во тоа, сите предуслови за силен Пелистер се тука. Очекуваме и полна сала и епитетот ракометен град Битола да се врати каде што припаѓа“ - изјави еден од оперативците во клубот Никола Пискачев.