Богдановски - седми пат државен првак

НОВ ПОДВИГ НА НАЈДОБРИОТ МАКЕДОНСКИ ШАХИСТ ВО ИСТОРИЈАТА НА ДОМАШНИТЕ ПРВЕНСТВА

Битолскиот велемајстор Влатко Богдановски е нов првак на Македонија за 2013 година. Со победата во последното коло против Роберт Велески тој се одвои од конкурентите, освојувајќи 7 поени од 9 партии. Звонко Станојоски и Драгољуб Јаќимовиќ кои исто така победија во последното коло ги зазедоа второто и третото место со 6.5 поени.
За шахистот на Алкалоид и репрезентативец на Македонија ова е вкупно седма титула Првак на Македонија. Богдановски предходно победуваше во 1986, 1987, 1989, 1993, 1995 и 2009 година.

Специјални награди освоија:

- Јани Богоевски (рејтинг 2200-2300)

- Александар Кралевски (рејтинг 2000-2200)

- Тони Лазов (рејтинг под 2000)

- Бруна Тузи (прва женска награда)

- Драгана Николовска (втора женска награда)

- Коста Пеев (најдобар до 18 години)

На првенството кое се одржа во хотелот „Дрим“ во Струга учество зедоа 36 шахисти од Македонија, Бугарија, Србија и Албанија. Судии беа Иван Кочовски и Кире Николовски.